هنا حبيت اكون أنا ... مثل ما أنا .. بدون زيف بدون اقنعه
انثر كلام احب انثره مثل ماهو بدون مااحاسب انا شنو قلت .. شنو حكيت
هنا بكون لاهدت نفسيـــ ويارب تهداا ..؛
/
الحب ... تعبنا نفسر مفاهيمه وتعبنا نعرف شنو هي انواعه ووين هو الحب الحقيقي
كيف نعرف هذا هو الحب الحقيقي والا وهم عشناه ومع الوقت صدقناه
\
الحب كلمه كبيره .. صعب نطلقها على اي علاقه عابره .. الحب تضحيه .. الحب اخلاص
الحب قلب يعشق وعين تسهر ماتنام
الحب قلب تفديه بروحكـ وعيون ترخص عمرك لاجلها
/
بعد تعب في التفكير وسنين في البحث عن تفسير وصلت لنتيجه يمكن تكون شيء في نفسي وبعض من فلسفاتي الواهيه ويمكن تكون حقيقه..
:
الحب حصلته ثلاث انواااااااع وكل نوع يمثل درجة بقوته
/
حب عقل / حب قلب / حب يجتمع فيه القلب مع العقل
:
النوع الاول ((حب القلب ))
حب عاطفي بحت القلب فيه حاضر لوحده في ساحة الحب ومضماره
نشعر بهم قلوبنا تخفق لهم
ليه ؟؟؟؟؟
ماندري ..
وش السبب ؟؟؟؟
انصحكم لاتبحثون عن السببـــ
القلب خفق وخلاص نحس بشوق نحس بوله نحس بحنين وانجذاب غير طبيعي
لكن لو نفكر ممكن نلاقي ان هالاشخاص مافيهم اي من الامور الي كنا نحلم فيها
لا هو فارس احلامنا .. ولا هي اميرة زمانها
بس .... قلوبنا خفقت .. وهتفت تنادي
هالحب ..... يدوم بس يدوم بتعب
يدوم بحسره خصوصا لو كان هالشخص مافيه اي من الامور الي نحبها ونبيها
وخصوصا لو كان شخص مايفهمنا وتركيبة شخصيته مختلفه عن تركيبتنا
بنتعب ونتعب
وهذا هو الحب الي من غير تفاهم
/
النوع الثاني ..(( حب العقل ))
هذا اقدر اسميه اعجاب اكثر من ماهو حب
او اقتناع بالشخص .. شخص فيه كل الصفاااات الي نبيها
كل شي من صفاته يعجبنا .. ننجذب له من هالمنطلق ..
مو شرط القلب يخفق بسهوله .. يمكن يخفق ويمكن يظل ماسك نفسه وباتزانه
نحس برااااحه وممكن نشتااااااااق بس مانوصل لدرجة الهيام
يعني فوق مستوى الاعجااااب
هالحب يدووم .. لكن يكون اقرب للصدااااقه والتفاااهم
والاحترام عادة يكون فيه حاضر
واشوفه افضل من النوع الي قبله ... لانه اقل تعب
مع افتقاده للجموح والجنون والاندفاااع .. وبعيد عن قصص العشق المجنونه الي نسمع عنها
والي نلاقيها اكثر بالنوع الاول
/
/
النوع الثالث (( الحب الي يلتقي فيه العقل مع القلب ))
آآآآه منه هذا هو اصعب نوع .. ونادر مايحدث
هالنوع يلتقي فيه الانجذاب وخفقة القلب ... يلتقي فيه الشوق
ويلتقي فيه الهيام .. مع القناااعه والاعجاب
شخص بكل مافيه يجذب .. كل شي نتمناه بالنصف الاخر نحصله فيه
وفوق هالشي ... القلب به يتعلق .. ونحن له ونشتاق
ونكون مستعدين نبيع الدنيا لاجله ... نرخص الروح لعيونه
هالنوع يدوووم طول مالاخلاص باقي
يدووم لان فيه قناعه ويكون الشخص فعلا معبي العين ...
يدوم لان التفاهم موجود .. والعشق حاضر
يلتقي العقل في التفكير ... والقلب والعاطفه تحضر
وقت يطغى واحد منهم يهديه الثاني ...
هالحب .. وحده ومافي غيره نقدر نقول فيه
اننا نفهم بعض من نظرة العيون ... مانحتاج للكلمه عشان نحس بالي قدامنا
نحس به حتى وهو بعيد .. ونفهم شنو يفكر بدون مايحكي
/
\
باختصار ... هو جنون الحب
.............................
فلسفات الهدوء ماتخلص
كلمات كتبتها في لحظة انسجام مع نفسي
وحبيت اشاركم فيها هي قناعات توصلت لها مع الوقت
ومن كثر ماشفت وسمعت .. من القريب والبعيد
ياترى .. عندكم نفس القناعه والا لكم راي اخر
الموضوع مفتوح لكل من يبغى يتحفنا بمفهومه عن الحب
يمكن مفهومكم غير عن مفهومي
ويمكن يطرى ببالي شي جديد
واجي انثره لكم مره ثانيه .. والمجال مفتوح للجميع
مخرج :
ياترى هذا هو انت ياحب
والا يتهيا لي .. اقتنع فيك والا مو انت الي ببالي
قررت اعيشك لنفسي ولنفسي
واحب الحب نفسه
ابي افهمك اكثر واكثر
ابي اغوص باعماقك ياحب
